[ඩිල්ෂාන් මඩවල]
අපරාධ කිහිපයක් සම්බන්ධයෙන් චෝදනා ලැබ සිටින මිගෙට්ටුවත්තේ සුමිත්ත හිමියන් ඇතුලූ සැකකරුවන් 9 දෙනෙකු ලබන 28 වනදා දක්වා රක්‍ෂිත බන්ධනාගාර ගත කෙරුණා. නියෝගය නිකුත් කළේ බලපිටිය වැඩබලන මහේස්ත‍්‍රාත් ලාල් බණ්ඩාර මහතායි. එම නඩුවේ 10 වන, 11 වන සහ 12 වන සැකකරුවන්ද අත්අඩංගුවට ගෙන තිබෙනවා. පොලීසිය මහේස්ත‍්‍රාත්වරයාගෙන් ඉල්ලා සිටියේ ඔවුන් හදුනා ගැනීමේ පෙරට්ටුවකට ඉදිරිපත් කිරීමට අවසර ලබාදෙන ලෙසයි. ඊට එකගතාව පළ කළ වැඩබලන මහේස්ත‍්‍රාත් ලාල් බණ්ඩාර මහතා ඔවුන් ලබන 28 වනදා මුහුණු ආවරණය කර අධිකරණයට රැගෙන එන්නැයි නියෝග කළා.