| |
|
|
|
2012-08-21
[ඩිල්ෂාන් මඩවල]
රාජ්ය විශ්ව විද්යාල සහ තවත් උසස් අධ්යාපන ආයතන ගණනාවක් දින නියමයක් නොමැතිව වසා දැමීමට ආණ්ඩුව අද තීරණය කළා. උසස් අධ්යාපන අමාත්යාංශය පවසන්නේ විශ්ව විද්යාල ආචාර්යවරුන්ගේ වැඩවර්ජනය අවසන් කිරීමට බල කිරීමක් ලෙස එම තීරණයට එළඹි බවයි. ඒ අනුව කොළඹ, පේරාදෙණිය, ශී්ර ජයවර්ධනපුර, කැළණිය, යාපනය සහ රුහුණ යන විශ්ව විද්යාලවල වෛද්ය පීඨ හැර සෙසු සියලූ පීඨ වසා දැමෙනවා. මොරටුව විශ්ව විද්යාලය සම්පූර්ණයෙන් වසා දමන බවයි උසස් අධ්යාපන අමාත්යාංශය පවසන්නේ. නැගෙනහිර විශ්ව විද්යාලයේ සෞඛ්ය ආරක්ෂණ විද්යා පීඨය හැර සෙස සියලූ පීඨද , රජරට විශ්ව විද්යාලයේ වෛද්ය හා සමාන්තර විද්යා පීඨය හැර සෙසු සියලූ පීඨද වසා දැමෙනවා. සබරගමුව සහ වයඹ යන විශ්ව විද්යාලද, සෞන්දර්ය කලා විශ්ව විද්යාලය සහ විවෘත විශ්ව විද්යාලයද අද සිට වසා දැමෙනු ඇති. දේශීය වෛද්ය විද්යායතනය, කොළඹ විශ්ව විද්යාලයේ පරිගණක විද්යායතනය, සාමි විපුලානන්ද සෞන්දර්ය අධ්යාපන ආයතනය සහ මානව සම්පත් අභිවර්ධන ආයතනයද වසා දැමෙනවා. කොළඹ විශ්ව විද්යාලයේ තාක්ෂණ විද්යායතනය, ශී්රපාලි මණ්ඩපය, ති්රකුණාමලය මණ්ඩපය සහ වව්නියාව මණ්ඩපයද වසා දැමෙන බව උසස් අධ්යාපන අමාත්යාංශය පවසන්නේ. විශ්ව විද්යාල ආචාර්යවරුන්ගේ ඉල්ලීම්වලින් 05 ක් සඳහාම ආණ්ඩුව ප්රතිපත්තිමය ලෙස එකඟ වී ඇතැයි එම අමාත්යංශය නිකුත් කළ නිවේදනයක දැක්වෙනවා.
එසේ තිබියදී ඔවුන් තවදුරටත් වැඩවර්ජනයේ යෙදීම අනුමත කළ නොහැකි බවයි අවධාරණය කර තිබෙන්නේ. නෙත් නිවුස් ඒ සම්බන්ධයෙන් විශ්ව විද්යාල ආචාර්යවරුන්ගේ වෘත්තීය සමිති සම්මේලනයෙන් ද විමසීමක් කළා. ඊට පිළිතුරු දුන්නේ එම සම්මේලනයේ ලේකම් ආචාර්ය ටෙරන්ස් මදුජිත් මහතායි.
මේ අතර අධ්යාපනය වෙනුවෙන් වෙන් කෙරෙන මුදල් වැඩි කිරීමට හැකියාවක් නැතැයි ආණ්ඩුව කරන ප්රකාශ විසුළු සහගත බව පූජ්ය දඹර අමිල හිමියන් පවසනවා. විශ්ව විද්යාල ආචාර්යවරුන්ගේ වෘත්තීය සමිති සම්මේලනය කොළඹ අද පැවැත් වූ මාධ්ය හමුවකදී උන්වහන්සේ පෙන්වා දුන්නේ නාස්තිකාර වියදම් සඳහා ආණ්ඩුව ඕනෑතරම් මුදල් වියදම් කරන බවයි.
අධ්යාපන ක්ෂේත්රයේ අර්බුද විසඳීමට ආණ්ඩුවට බල කරමින් පා ගමනක් සහ ජන රැළියක් කොළඹදී අනිද්දා පවත්වන බවද මෙම මාධ්ය හමුවේදී ප්රකාශ කෙරුණා.
|
|
| |
|
|
|
|
|
|
|
