http://www.nethfm.comNeth FM Colombo FM 95, Southern FM 93.9, Central FM 100.4, North Central 105.4, All Island FM 105.4 www.nethfm.com http://www.facebook.com/pages/Neth-FM/172338686117878?sk=wall - Web solution By www.tekgeeks.netCopyright Neth FM Sri lanka (C) 2011[ජී.විරසිංහ /නිෂාන් ද සිලවා/ භාතිය අර්ථනායක] හෙරොයින් අලෙවි කිරිමේ නිරත වු විශ්ව විද්‍යාල සිසුවෙකු ඇතුළු තිදෙනකු රත්මලාන ප‍්‍රදේශයේදී පොලිස් අත්අඩංගුවට ගෙන තිබෙනවා. පොලිස් විශේෂ කාර්ය බලකාය ඊයේ පස්වරුවේ සිදුකරන ලද මෙහෙයුමකදී අත්අඩංගුවට ගැනීම සිදුවු බවයි පොලිසිය පවසන්නේ. මොවුන් සතුව තිබු රුපියල් 34,000 ක වටිනාකමින් යුත් හෙරොයින් ග‍්‍රෑම් 05 ක් හමුවුණා. සැකකාර සරසවි සිසුවා මොරටුව විශ්ව වි‍ද්‍යාලයේ 03 වැනි වසරේ ඉගෙනුම ලබන්නෙක්. එසේම ඔහු කුරුවිට ප‍්‍රදේශයේ පදිංචිකරුවෙක් වනවා. තවත් සැකකරුවෙකු මාලඹේ තොරතුරු තාක්‍ෂණ ආයතනයේ සිසුවෙකු බවයි අනාවරණ වී ඇත්තේ.  http://www.nethfm.com/site/news-1--6906.htmlThu, 17 May 2012http://www.nethfm.com/site/photo/120517080514student.jpg[හෙරල් සේනා‍ධීර/භාතිය අර්ථනායක] හිටපු යුධ හමුදාපති සරත් ෆොන්සේකා මහතාට නිදහස හිමිවන දිනය ප‍්‍රකාශ කිරීම දුෂ්කර කටයුත්තක් බව වැඩබලන ජනමාධ්‍ය අමාත්‍ය ලක්‍ෂමන් යාපා අබේවර්ධන මහතා පවසනවා. අමාත්‍යවරයා මේ බව කියා සිටියේ කැබිනට් තීරණ දැනුම් දීමේ මාධ්‍ය හමුවට අද සහභාගි වෙමින්. මේ අතර වෙබ් අඩවි සම්බන්ධයෙන් තහනමක් පැනවීමේ අවශ්‍යතාවක් රජයට නොමැති බවයි අමාත්‍ය ලක්‍ෂමන් යාපා අබේවර්ධන මහතා අවධාරණය කළේ. කෙසේ වෙතත් වෙබ් අඩවි පවත්වා ගෙන යාමේ නීත්‍යානූකූල පසුබිමක් පවත්වා ගෙන යා යුතු බව ඔහු පෙන්වා දුන්නා. එහෙතා පාර්ශ්ව කිහිපයක් ඊට එකඟ නොවීම රජයට ගැටළුවක් නොවන බව ද අමාත්‍යවරයා ප‍්‍රකාශ කළා. තොරතුරු පළ කෙරෙන වෙනත් මාධ්‍යවලට නොමැති නිදහසක් වෙබ් අඩවිවලට ලබා දිය නොහැකි බව ද අමාත්‍යවරයා අවධාරණය කළා. ඔහු කියා සිටියේ අදාල වෙබ් අඩවි එවැනි නිදහසක් අත්තනෝමතිකව යොදා ගනු ඇති බවයි. http://www.nethfm.com/site/news-1--6905.htmlThu, 17 May 2012http://www.nethfm.com/site/photo/120517080530abe.jpg[භාතිය අර්ථනායක] නෙත් එෆ්.එම් රේඩියෝවේ මාධ්‍යවේදියෙකු ලෙස ව්‍යාජව පෙනී සිටිමින් පුවත් පළ කිරීමට යැයි පවසා නොයෙකුත් අයගෙන් මුදල් වංචා කළ පුද්ගලයෙකු දෙණියාය පොලිසිය අද අත්අඩංගුවට ගත්තා. මෙම පුද්ගලයා ඉසිවර ඒකනායක සහ සේනක ඒකනායක වැනි නම්වලින් පෙනී සිට ඇති බවයි පොලිසිය පවසන්නේ. මෙම පුද්ගලයාගේ වංචනික ක‍්‍රියා සම්බන්ධයෙන් නෙත් රේඩියෝව ද බම්බලපිටිය පොලිසියට පැමිණිල්ලක්  කර තිබුණා. බැලූම්ගල සාමාජිකයෙකු ලෙස පෙනී සිටි මොහු සතුව තිබු ව්‍යාජ මාධ්‍ය හැඳුනුම්පතක් ද තිබු බවයි පොලිසිය පවසන්නේ. එය පුවත්පතක කාර්ය මණ්ඩල සාමාජිකයෙකු ලෙස හැගවෙන පරිදි සකස් කර තිබු බවයි පොලිසිය පවසන්නේ. නෙත් එෆ්.එම් රේඩියෝවේ සේවය කරන බව හැගවීම සඳහා මොහු සතු වු පටිගත කිරීමේ යන්ත‍්‍රයේ නෙත් ලාංඡුනය සහිත ස්ටිකරයක් ද අලවා තිබුණා. පසුව මෙම පුද්ගලයා දෙණියාය මහේස්ත‍්‍රාත් අධිකරණය හමුවට ඉදිරිපත් කිරීමෙන් අනතුරුව ඔහු ලබන 21 වැනිදා දක්වා රක්‍ෂිත බන්ධනාගාර ගත කෙරුණා.  http://www.nethfm.com/site/news-1--6904.htmlThu, 17 May 2012http://www.nethfm.com/site/photo/120517070557news_1.jpg[හෙරල් සේනාධීර/ භාතිය අර්ථනායක] සිසුන් ජනප‍්‍රිය පාසලකින් තවත් එවන් පාසලකට උසස් පෙළ සඳහා යොමුවීම වලක්වාලමින් නිකුත් කර තිබු චක‍්‍රලේඛය තාවකාලිකව ලිහිල් කළේ සිසුන් කෙරෙහි සානුකම්පිතව බැලීම හේතුවෙන් බව රජය පවසනවා. අධ්‍යාපන අමාත්‍ය බන්දුල ගුණවර්ධන මහතා කොළඹ අද පැවති මාධ්‍ය හමුවක දී කියා සිටියේ චක‍්‍ර ලේඛය තවදුරටත් ක‍්‍රියාත්මක කළ යුතු බව ජනාධිපතිවරයා ප‍්‍රමුඛ අමාත්‍ය මණ්ඩලයේ ද අදහස වු බවයි. දශකයකට වැඩි කාලයක් මුළුල්ලේ මෙම නීතිය පනවා තිබුණ ද එය නිසි ආකාරයෙන් ක‍්‍රියාත්මක නොකිරීම විදුහල්පතිවරුන්ගේ වරදක් බව ද අමාත්‍ය බන්දුල ගුණවර්ධන මහතා පැවසුවා. මේ අදාල චක‍්‍රලේඛය සම්බන්ධයෙන් ඉදිරියේදී අනුගමනය කිරීමට බලාපොරොත්තු වන ආකාරය පැහැදිලි කළ අමාත්‍යවරයා.   ඒ අනුව ඉදිරියේ දී මෙම චක‍්‍රලේඛය දැඩිව ක‍්‍රියාත්මක කෙරෙනු ඇතැයි අමාත්‍ය බන්දුල ගුණවර්ධන මහතා ප‍්‍රකාශ කළා. ඔහු කියා සිටියේ මෙය සිසුන්ගේ අධ්‍යාපන අයිතිය සීමා කිරීමට යැයි තමා විශ්වාස නොකරන බවයි. http://www.nethfm.com/site/news-1--6903.htmlThu, 17 May 2012http://www.nethfm.com/site/photo/120517070506Bandula Gunawardane.jpg[භාතිය අර්ථනායක] රටේ අයිතිකරුවා ජනතාව විනා ආණ්ඩුව නොවන බව විපක්‍ෂ නායක රනිල් වික‍්‍රමසිංහ මහතා පවසනවා. ආණ්ඩුව සම්පත් සොයමින් නිධන් හාරන විට ජනතාවට සිදුවී ඇත්තේ තමන් විසින් වැලලීම සඳහා වළවල් හැරීමට බවයි විපක්‍ෂ නායකවරයා කියා සිටියේ. සිරිකොත මන්දිරයේ දී අද පැවති මාධ්‍ය හමුවකට එක්වෙමින් රනිල් වික‍්‍රමසිංහ මහතා මෙම අදහස් පළ කළා. දිනෙන් දිනම ජනතාවට මුහුණ දීමට සිදුවන අපහසුතා ඉහළ යනවා විනා සහනයක් නොමැති බවට ද රනිල් වික‍්‍රමසිංහ මහතා චෝදනා කර සිටියා.   යුද්ධය පවතින කාලයේ ආහාර ගැටළුවට මුහුණ දී සිටියේ උතුරු නැගෙනහිර ජනතාව පමණයි. එහෙත් මේ වන විට මුළු රටේම ජනතාව සිය එදිනෙදා ආහාර වේල සපයා ගැනීම පිළිබඳ ගැටළුවට මුහුණ පා ඇතැයි රනිල් වික‍්‍රමසිංහ මහතා මෙහිදී කියා සිටියා. http://www.nethfm.com/site/news-1--6902.htmlThu, 17 May 2012http://www.nethfm.com/site/photo/120517070512Ranil Wickramasinghe.jpg[භාතිය අර්ථනායක] කොළඹ රිමාන්ඞ් බන්ධනාගාරයේ රඳවා සිටින එල්.ටී.ටී.ඊ සැකකරුවන් 80 දෙනකු පමණ අද උදෑසන සිට උපවාසයක නිරත වන බව වාර්තා වනවා. මොවුන් ඉල්ලා සිටින්නේ තමන්ට එරෙහිව පවරා ඇති නඩු කටයුතු කඩිනම් කරන ලෙසයි. හිටපු හමුදාපති සරත් ෆොන්සේකා මහතා නිදහස් කරන්නේ නම් තමන්ට ද නිදහස අවශ්‍ය බව ඔවුන් ප‍්‍රකාශ කර ඇතැයි ද වාර්තා වුණා.http://www.nethfm.com/site/news-1--6901.htmlThu, 17 May 2012http://www.nethfm.com/site/photo/120517060547LTTE.jpg[භාතිය අර්ථනායක] නාරාහේන්පිට උද‍්‍යාන මාවතේ ගිනි ගත් මෝටර් රථයක් තුළ පිලිස්සි මිය ගොස් සිටි තරුණයා ජාතික කණ්ඩායම වෙනුවෙන් රගර් ක‍්‍රීඩා කර ඇති අයෙකු බව හෙලි වී තිබෙනවා. ශ‍්‍රී ලංකා රග්බි සංගමය ප‍්‍රකාශකයෙකු පැවසුවේ වසීම් තාජුඞීන් නමැති රග්බි ක‍්‍රීඩකයා මෙලෙස මරණයට පත්ව ඇති බවයි. ඔහු ගල්කිස්ස ශාන්ත තෝමස් විද්‍යාලයෙන් රග්බි ක‍්‍රීඩාවට පිවිසි අයෙක්. එසේම 2009 වසරේ දී හැව්ලෝක්ස් කණ්ඩායමට නායකත්වය දී ඇති තාජුඞීන් වසර කිහිපයක් ශ‍්‍රී ලංකා කණ්ඩායම නියෝජනය කර ඇති බව ද අදාල ප‍්‍රකාශකයා සඳහන් කළා. පිලිස්සි මිය ගොස් සිටි තරුණයෙකුගේ මළ සිරුරක් සමගින් මාර්ගයෙන් ඉවතට පැන තිබු දැවි ගිය මෝටර් රථයක් උද‍්‍යාන මාවතේ දී හමුවුණේ අද උදෑසනයි.http://www.nethfm.com/site/news-1--6900.htmlThu, 17 May 2012http://www.nethfm.com/site/photo/120517060502burn.jpg[භාතිය අර්ථනායක] කොන්දේසි විරහිතව තම සැමියා නිදහස් කිරීමට ජනාධිපති මහින්ද රාජපක්‍ෂ මහතා එකඟ වු බව අනෝමා ෆොන්සේකා මහත්මිය පවසනවා. ඇය ප‍්‍රංශ පුවත් සේවය වෙත සඳහන් කර ඇත්තේ හැකි නුදුරුම අවස්ථාවේ සරත් ෆොන්සේකා මහතා නිදහස් කරන බවට ජනාධිපතිවරයා සහතික වු බවයි. මහින්ද රාජපක්‍ෂ මහතා ඊයේ පස්වරුවේ පාර්ලිමේන්තු මන්ත‍්‍රී ටිරාන් අලස් මහතාගේ නිවසේ දී අනෝමා ෆොන්සේකා මහත්මිය හමුවු බව මීට ඉහත දී වාර්තා කෙරුණා. එහෙත් එහිදි සාකච්ඡා කෙරුණු කරුණු ෆොන්සේකා මහත්මිය විසින් හෙලි කර තිබුණේ නැහැ.http://www.nethfm.com/site/news-1--6899.htmlThu, 17 May 2012http://www.nethfm.com/site/photo/120517060503Anoma Fonseka.jpg[අතුල බණ්ඩාර / භාතිය අර්ථනායක] සුපිරි බොළිවුඞ් නළු ෂාරුක් ඛාන්ට එරෙහිව මුම්බායි කි‍්‍රකට් සංගමය පොලීසියට පැමිණිල්ලක් ඉදිරිපත් කර තිබෙනවා. අයි.පී.එල්. තරගාවලියට ඉදිරිපත් වී සිටින කොල්කටා නයිට් රයිඞ්ස් කණ්ඩායමේ සම හිමිකරු වන ෂාරුක් වන්කඬේ කී‍්‍රඩාංගණයේදී එහි ආරක්ෂක නිලධාරීන් සමග ගැටුම් ඇතිකර ගැනීම චෝදනාවයි. සිය කණ්ඩායම සහ මුම්බායි ඉන්දියන්ස් කණ්ඩායම අතර පැවැති තරගයකින් අනතුරුව මෙම ගැටුම හටගෙන තිබෙනවා. කෙසේ වෙතත් ෂාරුක්ට එරෙහිව ගන්නා කි‍්‍රයාමාර්ග මොනවාදැයි මෙතෙක් පැහැදිලි වී නැහැ.   http://www.nethfm.com/site/news-1--6898.htmlThu, 17 May 2012http://www.nethfm.com/site/photo/120517060533sharuk.jpg[හෙරල් සේනාධීර/භාතිය අර්ථනායක] රාති‍්‍ර කාලයේදීත් බලපත‍්‍ර රහිතව වැලි ප‍්‍රවාහනය සඳහා අවසර ලබාදීමට අමාත්‍ය මණ්ඩලය තීරණය කර තිබෙනවා. අමාත්‍ය මණ්ඩල තීරණ දැනුම් දීමේ මාධ්‍ය හමුවට එක් වූ වැඩබලන ජනමාධ්‍ය අමාත්‍ය ලක්ෂ්මන් යාපා අබේවර්ධන මහතා මේ බව අනාවරණ කර සිටියා. බලපත‍්‍ර රහිතව පෙරවරු හයේ සිට පස්වරු හය දක්වා වැලි ප‍්‍රවාහනයට රජය අවසර ලබාදුන්නේ මීට සති කිහිපයකට පෙරයි. ඉන් අනතුරුව දහවල් කාලයේ වැලි රැගත් වාහන රැසක් මාර්ගයට පිවිසීමෙන් තදබදයක්ද නිර්මාණය වී තිබෙනවා. ඒ අනුව රාති‍්‍ර කාලයේදීත් බලපත‍්‍ර රහිත ප‍්‍රවාහනයට අවසර ලබාදුන් බව අමාත්‍යවරයා ප‍්‍රකාශ කළා.   http://www.nethfm.com/site/news-1--6897.htmlThu, 17 May 2012http://www.nethfm.com/site/photo/120517060517soil.jpg