[හසිත කේෂාන් ]
කොළඹ සිට ඇල්පිටිය දක්වා ධාවනය කෙරෙමින් තිබූ ඇල්පිටිය ඩිපෝවට අයත් ලංගම බස් රථයක් ඌරගස්මංහන්දිය ප‍්‍රදේශයේදී අද උදෑසන ගිනි ගැනීමට ලක් වුණා. කඩිනමින් බස් රථයෙන් ඉවත් වීමෙන් මගීන් ජිවිත බේරා ගත් බවයි නෙත් නිවුස් වාර්තාකරු පවසන්නේ. එන්ජිම අධික ලෙස රත්වීමෙන් ගිනි ගැනීම සිදුවන්නට ඇතැයි සැක කෙරෙනවා. ගින්න නිවා දැමුවේ අවට කඩ හිමියන් සහ ප‍්‍රදේශවාසීන් විසින්.
මේ අතර දක්ෂිණ අධිවේගී මාර්ගයේ ධාවනය කෙරෙමින් තිබූ මෝටර් රථයක් ඊයේ රාති‍්‍ර ගිනි ගෙන විනාශ වුණා. 29.7 සහ 29.8 යන කිලෝමීටර් කණුව අසලදී එම අනතුර සිදුව තිබෙන බවයි පොලීසිය පවසන්නේ. මෝටර් රථයේ ගමන් කළ අය ඉන් ඉවතට පැන ජීවිතය බේරාගෙන තිබෙනවා. ගින්න නිවා දැමුණේ විශේ කාර්ය බලකායේ සහ ගැලණිගම පොලිස් මුරපොළේ නිලධාරීන් විසින්.