[සමන්ත කුමාර]
ලොව පුරා ඉස්ලාම් බැතිමතුන් රාමසාන් උපවාසය නිමා කරමින් ඊඳූර් ෆිතර් උත්සවය අද සමරනවා. මාසයක කාලයක් පුරා උපවාසයේ නිරතව සිටි ඉස්ලාම් බැතිමතුන් ඊයේ රාත‍්‍රියේ නව ස`ද බැලීමෙන් පසු සිය උපවාසය අත්හරිනු ලැබූ බවයි කොළඹ ප‍්‍රධාන මුස්ලිම් පල්ලිය ප‍්‍රකාශ කළේ. මුස්ලිම් දින දර්ශනය අනුව 09 වන මාසය රාමසාන් යනුවෙනු හැ`දින්වෙන අතර එම මාසයේ මුල් සඳ දැකීමත් සමඟ මුස්ලිම් බැතිමතුන් රාමසාන් උපවාසය ආරම්භ කරනවා. සඳ පදනම් කරගත් ඉස්ලාමීය දින දර්ශනයේ 10 වන මාසය වන ෂව්වාල් මාසය ආරම්භ කරමින් නව ස`ද දැකීමෙන් පසු ඊදුල් ෆිතර් උත්සවය මුස්ලිම්වරුන් සමරනු ලබනවා.
මේ අතර රාමසාන් උත්සවය වෙනුවෙන් නිවේදනයක් නිකුත් කරමින් ජනාධිපති මහින්ද රාජපක්ෂ මහතා පවසන්නේ මෙරට අභිවෘද්ධිය උදෙසා මුස්ලිම් ප‍්‍රජාවගෙන් ලැබෙන දායකත්වය අතිමහත් බවයි. ජාතීන් අතර සුහදතාව මෙන්ම සහජීවනය තහවුරු කිරීමට රාමසාන් දිනයේදී සියලූ ජාතීන් එක්විය යුතු බවද මහින්ද රාජපක්ෂ මහතා පෙන්වා දෙනවා.
විපක්ෂ නායක රනිල් වික‍්‍රමසිංහ මහතා නිකුත් කළ රාමසාන් සුභ පැතුම් පණිවිඩයේ දැක්වෙන්නේ එකිනෙකා අතර සහෝදරත්වය සහ අන්නෝන්‍ය අවබෝධය වර්ධනය කරගැනීමට රාමසාන් උත්සවය ඉවහල් කරගත යුතු බවයි.